അയി ഗിരിനംദിനി നംദിതമേദിനി വിശ്വവിനോദിനി നംദിനുതേ
ഗിരിവരവിംധ്യശിരോധിനിവാസിനി വിഷ്ണുവിലാസിനി ജിഷ്ണുനുതേ ।
ഭഗവതി ഹേ ശിതികംഠകുടുംബിനി ഭൂരികുടുംബിനി ഭൂരികൃതേ
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
(അയി ഗിരിനംദിനി)
സുരവരവര്ഷിണി ദുര്ധരധര്ഷിണി ദുര്മുഖമര്ഷിണി ഹര്ഷരതേ
ത്രിഭുവനപോഷിണി ശംകരതോഷിണി കല്മഷമോഷിണി ഘോരരതേ । [കില്ബിഷ-, ഘോഷ-]
ദനുജനിരോഷിണി ദിതിസുതരോഷിണി ദുര്മദശോഷിണി സിംധുസുതേ
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
( സുരവരവര്ഷിണി ) 2
അയി ജഗദംബ മദംബ കദംബവനപ്രിയവാസിനി ഹാസരതേ
ശിഖരി ശിരോമണി തുംഗഹിമാലയ ശൃംഗനിജാലയ മധ്യഗതേ ।
മധുമധുരേ മധുകൈടഭഗംജിനി കൈടഭഭംജിനി രാസരതേ
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
(അയി ജഗദംബ ) 3
അയി ശതഖംഡ വിഖംഡിതരുംഡ വിതുംഡിതശുംഡ ഗജാധിപതേ
രിപുഗജഗംഡ വിദാരണചംഡ പരാക്രമശുംഡ മൃഗാധിപതേ ।
നിജഭുജദംഡ നിപാതിതഖംഡ വിപാതിതമുംഡ ഭടാധിപതേ [-ചംഡ]
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
(അയി ശതഖംഡ ) 4
അയി രണദുര്മദ ശത്രുവധോദിത ദുര്ധരനിര്ജര ശക്തിഭൃതേ
ചതുരവിചാരധുരീണ മഹാശിവ ദൂതകൃത പ്രമഥാധിപതേ ।
ദുരിതദുരീഹ ദുരാശയ ദുര്മതി ദാനവദൂത കൃതാംതമതേ
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ..
( അയി രണദുര്മദ ശത്രുവധോദിത) 5
അയി ശരണാഗത വൈരിവധൂവര വീരവരാഭയദായകരേ
ത്രിഭുവന മസ്തക ശൂലവിരോധി ശിരോധികൃതാമല ശൂലകരേ ।
ദുമിദുമിതാമര ദുംദുഭിനാദ മഹോ മുഖരീകൃത തിഗ്മകരേ
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
( അയി ശരണാഗത )
അയി നിജഹുംകൃതിമാത്ര നിരാകൃത ധൂമ്രവിലോചന ധൂമ്രശതേ
സമരവിശോഷിത ശോണിതബീജ സമുദ്ഭവശോണിത ബീജലതേ ।
ശിവ ശിവ ശുംഭ നിശുംഭ മഹാഹവ തര്പിത ഭൂത പിശാചരതേ
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
( അയി നിജഹുംകൃതിമാത്ര ) 7
ധനുരനുസംഗ രണക്ഷണസംഗ പരിസ്ഫുരദംഗ നടത്കടകേ
കനക പിശംഗ പൃഷത്കനിഷംഗരസദ്ഭട ശൃംഗ ഹതാവടുകേ ।
കൃതചതുരംഗ ബലക്ഷിതിരംഗ ഘടദ്ബഹുരംഗ രടദ്ബടുകേ
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
( ധനുരനുസംഗ രണക്ഷണസംഗ) 8
സുരലലനാ തതഥേയി തഥേയി കൃതാഭിനയോദര നൃത്യരതേ
കൃത കുകുഥഃ കുകുഥോ ഗഡദാദികതാല കുതൂഹല ഗാനരതേ ।
ധുധുകുട ധുക്കുട ധിംധിമിത ധ്വനി ധീര മൃദംഗ നിനാദരതേ
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
( സുരലലനാ ) 9
ജയ ജയ ജപ്യ ജയേ ജയ ശബ്ദപരസ്തുതി തത്പര വിശ്വനുതേ
ഭണ ഭണ ഭിംജിമി ഭിംകൃതനൂപുര സിംജിതമോഹിത ഭൂതപതേ । [ഝ-, ഝിം-]
നടിതനടാര്ധ നടീനടനായക നാടിതനാട്യ സുഗാനരതേ
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
അയി സുമനഃ സുമനഃ സുമനഃ സുമനഃ സുമനോഹര കാംതിയുതേ
ശ്രിത രജനീ രജനീ രജനീ രജനീ രജനീകര വക്ത്രവൃതേ ।
സുനയന വിഭ്രമര ഭ്രമര ഭ്രമര ഭ്രമര ഭ്രമരാധിപതേ
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
സഹിത മഹാഹവ മല്ലമ തല്ലിക മല്ലിത രല്ലക മല്ലരതേ
വിരചിത വല്ലിക പല്ലിക മല്ലിക ഭില്ലിക ഭില്ലിക വര്ഗ വൃതേ ।
സിതകൃത ഫുല്ലസമുല്ലസിതാരുണ തല്ലജ പല്ലവ സല്ലലിതേ
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
അവിരലഗംഡഗലന്മദമേദുര മത്തമതംഗജ രാജപതേ
ത്രിഭുവനഭൂഷണ ഭൂതകലാനിധി രൂപപയോനിധി രാജസുതേ ।
അയി സുദതീജന ലാലസമാനസ മോഹനമന്മഥ രാജസുതേ
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
കമലദലാമല കോമലകാംതി കലാകലിതാമല ഭാലലതേ
സകലവിലാസ കലാനിലയ ക്രമകേലിചലത്കലഹംസകുലേ ।
അലികുല സംകുല കുവലയ മംഡല മൌലിമിലദ്ഭകുലാലി കുലേ
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
കരമുരലീരവ വീജിത കൂജിത ലജ്ജിതകോകില മംജുമതേ
മിലിത പുലിംദ മനോഹര ഗുംജിത രംജിതശൈല നികുംജഗതേ ।
നിജഗുണഭൂത മഹാശബരീഗണ സദ്ഗുണസംഭൃത കേലിതലേ
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
കടിതടപീത ദുകൂലവിചിത്ര മയൂഖതിരസ്കൃത ചംദ്രരുചേ
പ്രണതസുരാസുര മൌലിമണിസ്ഫുര ദംശുലസന്നഖ ചംദ്രരുചേ ।
ജിതകനകാചല മൌലിപദോര്ജിത നിര്ഭരകുംജര കുംഭകുചേ
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
വിജിത സഹസ്രകരൈക സഹസ്രകരൈക സഹസ്രകരൈകനുതേ
കൃത സുരതാരക സംഗരതാരക സംഗരതാരക സൂനുസുതേ ।
സുരഥസമാധി സമാനസമാധി സമാധി സമാധി സുജാതരതേ
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
പദകമലം കരുണാനിലയേ വരിവസ്യതി യോഽനുദിനം സ ശിവേ
അയി കമലേ കമലാനിലയേ കമലാനിലയഃ സ കഥം ന ഭവേത് ।
തവ പദമേവ പരംപദമിത്യനുശീലയതോ മമ കിം ന ശിവേ
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
കനകലസത്കല സിംധുജലൈരനുസിംചിനുതേ ഗുണരംഗഭുവം
ഭജതി സ കിം ന ശചീകുചകുംഭ തടീപരിരംഭ സുഖാനുഭവമ് ।
തവ ചരണം ശരണം കരവാണി നതാമരവാണി നിവാസി ശിവം
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
തവ വിമലേംദുകുലം വദനേംദുമലം സകലം നനു കൂലയതേ
കിമു പുരുഹൂത പുരീംദുമുഖീ സുമുഖീഭിരസൌ വിമുഖീക്രിയതേ ।
മമ തു മതം ശിവനാമധനേ ഭവതീ കൃപയാ കിമുത ക്രിയതേ
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
അയി മയി ദീനദയാലുതയാ കൃപയൈവ ത്വയാ ഭവിതവ്യമുമേ
അയി ജഗതോ ജനനീ കൃപയാസി യഥാസി തഥാഽനുഭിതാസിരതേ ।
യദുചിതമത്ര ഭവത്യുരരി കുരുതാദുരുതാപമപാകുരു തേ [മേ]
ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ
ഇതി ശ്രീ മഹിഷാസുരമര്ദിനി സ്തോത്രമ് ॥